Бүгін балабақшамызда ерекше білімді қажет ететін балалардың танымдық қызығушылығын ойын арқылы дамытуға арналған педагогикалық кеңес өтті.
Кеңес барысында педагогтар екі топқа бөлініп, тәжірибелік бағытта жұмыс жүргізді. Бірінші топ – табиғатпен байланысты ойын түрлері арқылы балалардың қызығушылығын арттыру жолдарын ұсынды. Екінші топ – арнайы мамандармен бірлесе отырып, балаларға арналған дамытушы ойындар үлгісін көрсетіп, тиімді әдіс-тәсілдерді ортаға салды.
Іс-шара шығармашылықпен ұйымдастырылып, әр педагогтың тәжірибе алмасуына мүмкіндік берді. Балалардың қажеттілігіне бағытталған ойын түрлерін қолдану – сапалы білім мен жан-жақты дамудың кепілі екенін тағы бір дәлелдеді.
⸻
Педагогтарымызға белсенді қатысқандары үшін алғысымызды білдіреміз! Бірлескен жұмыс – үлкен жетістікке бастар жол!